短講:新年的有趣習俗
上星期五,鄧子立同學同大家分享咗新年嘅來源同埋過年前嘅有趣習俗,今日,等我地同大家講講過年時的習俗周一D忌諱啦。
正月初一。呢一日全家都會早D起身,穿晒新衫去親友屋企拜年,大人就派利,我哋就收利是,當然,講多D吉利說話,例如「龍馬精神」之類。
請注意,大年初一忌掃地、潑水,因為「水為財」,肥水不流別人田。還有,呢一日要將利器收埋,唔吉利呀!
到咗年初二,俗稱「迎婿日」,果一日嫁左嘅女兒同女婿一起要返回女家拜年,佢哋還要帶埋禮物,甘就叫「帶手」或「伴手」啦。
年初三又稱「赤狗日」,是一個唔吉利的日子。因為赤狗係憤怒之神,遇到都會行衰運。因為易生事端,禍從口出,所以這日又稱「赤口」,大家小心D。
大年初四則俗稱「接神」。屋企既神靈自年廿四上天廷述職之後,呢一日就會返回各家各戶。過了中午以後,接神儀式就會開始,一大堆祭品就會大派用場啦!
年初五則係祭財神嘅日子,各行各業都準備祭品,祈求財神爺賜福。
踏入大年初六,俗稱「啟市」,一切回復正常,店舖開業,照常工作。店舖在開業之前,都會放炮仗,祈求生意興隆。
年初七俗稱「人日」,即係所有人既生日甘解。因為上天創造萬物的次序時,,「人」排第七。
到了正月十五,便是「元宵節」。古代嘅中國婦女,三步不出閨門,只有元宵節先可以破禁外出,結識異性,締結良緣。正月十五日就係「過年」活動正式結束嘅一天。
好了,我們同大家分享有關農曆新年嘅來源同有趣習俗到此為止。希望大家「新年進步」、「萬事如意」,多謝大家!
|